نقد ذاتي للثورة

VIVA LA REVOLUTION

حقوق الصورة محفوظة لـ chris.corwin http://bit.ly/wPkysB

قرأت اليوم تدوينة لأحد الحماصنة الأستاذ يامن الشامي، تطرق فيها لنقد مهم للثورة وأنا أتفق معه مئة بالمئة.

لماذا لن تنتصر الثورة؟

  1.  مارح تنتصر لأنه لسا في عالم ما بتخاف الله .. ولا آكلة هم لا الوطن ولا الناس الأبرياء.
  2. مارح تنتصر الثورة لأنه ليش لتنتصر و في عالم بحلب و الشام و اللادقية و الرقة وو ما بدها أصلا الثورة وخايفي ليصير فيها متل ما صار بحمص.
  3. مارح تنتصر الثورة لأنو (في ) عالم شالت سلاح و ما بتعرف شو يعني السلاح .. و فكرت حالها هيي مالكة الدنيا بما فيها .. و عفست ليوم التعفيس.
  4. مارح تنتصر الثورة لأنه تركوا حمص لحالها ووقت عز الدين الضرب و لسا رح يتركوها.
  5. مارح تنتصر الثورة لأنه كل واحد عاملي راس و مفكر حالو هوي قائد الثورة .. وكل واحد صار يدبر معونات لكام عيلة فكر حاله خلص هوي القائد الملهم .. وصار أناني ليوم الأنانية.
  6. مارح تنتصر الثورة لأنه في معارضة متل النظام .. إذا استلمت بكرا هيي مارح تفرق البلد بنوووب و بالعكس رح تصير أسوأ .. عالم مافيات همون مصالحون الشخصية و بسسسس.
  7. مارح تنتصر الثورة ..لأنه اللي عاملين حالون صاحبين القرارات المفصلية ومن أول يوم عم ينزعوا الشعب و يوهموه أنو النصر بئيد الناتو و أمريكا و الغرب ..لأنن هني عملاء إلون…
  8. مارح تنتصر الثورة .. لأنه كل واحد من المعارضة مفكر الثورة شي .. واحد مفكرها ثورة سنية ضد الشيعة والتاني ثورة حرية علمانية و الثالث…
  9. مارح تنتصر الثورة لأنه في تجار سلاح .. وفي تجار حروب .. همون مصاري و بس.
  10. مارح تنتصر الثورة لأنو الإعلام مافيا .. مافيا بكل ما للكلمة من معنى .. ونحنا شعب طيب عم يصدق الإعلام كله .. يللي يوم بيرفع شخصية أو جهة و يوم بينزلها.
  11. مارح تنتصر الثورة لأنه في عالم عم تكزب .. صح ما عم عمم .. بس في عالم عم تكذب ، عم تخبص ليوم التخبيص.
  12.  مارح تنتصر الثورة لأنه مافي تنظيم .. ونظام منظم أكتر منك…
  13. مارح تنتصر الثورة .. لأنه في إيران و السعودية و تركيا و اسرائيل و قطر و أمريكا و فرنسا و روسيا والصين .. مفكرين سوريا كعكعة .. قالب كاتو .. ولأنو في كتير عالم هوايييش خلتون يفكروا بهالشي.
  14. مارح تنتصر الثورة لأنه في عالم كتييير لسا مارجعت لربها .. في حفلات بحلب و راجمات صواريخ بحمص .. ولا حدا يقللي الشبيحة علوية .. في ناس من نصص درعا مع الجيش و ناس من نص حمص مع الجيش و ناس من نننننص ادلب مع الجيش…
  15. ولسا العالم عايشة بوهم أنو الإنشقاقات بعشرات الآلاف و أغلب اللي عم يشيل سلاح مانو أصلا عسكري .. وبجوزززز كان خادم جيش…
  16. مارح تنتصر الثورة لأنه الضحية عم تتقمص دور الجلاد .. ما قدرت لسا تطلع من آلية التفكير يللي تربت عليها…

تصطفلوا أنتو حابين تكزبوا مشان الإعلاام .. إكذبوا لتشبعوا … أصلا ما دبحنا غير الكذب و غير انو الضحية عم تفكر وتتصرف بعقلية الجلاد.

تشاءمت ؟ هه.

لا تتشاءم .. بعمرك ما رح تعمر بلد و إنت غرقان بالأخطاء و عايش بالاحلام الرومانسية ..ومفكر حالك عطول صح.

بدك الثورة تنتصر .. الجواب فوق .. وصار لازم تعرف كيف رح تنتصر…

والله يعينك يا حمص…

ونيالك علينا يا وطـــن

انتهى الإقتباس.

أخيراً أريد أن أقول بأن النقد مهم وضروري لتصحيح الأخطاء وبأن الصامت عن الحق شيطان أخرس.

About these ads

2 تعليقات on “نقد ذاتي للثورة”

  1. haririhost قال:

    صح اخي

    مشكور اخي البخاخ

    http://haririhost.wordpress.com/

  2. shanfara قال:

    صحيح، انبح صوتنا و احنا عم نحكي من البداية لدرجة صاروا يتهمونا انو نحنا شبيحة.


أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

You are commenting using your WordPress.com account. تسجيل الخروج / تغيير )

Twitter picture

You are commenting using your Twitter account. تسجيل الخروج / تغيير )

Facebook photo

You are commenting using your Facebook account. تسجيل الخروج / تغيير )

Google+ photo

You are commenting using your Google+ account. تسجيل الخروج / تغيير )

Connecting to %s

Follow

Get every new post delivered to your Inbox.